ಸಿದ್ದುಲೋಕ

ಹಗಲುಗನಸು
ಹೋಲಿಸಲಾರೆ ನಿನ್ನ
ಆಗಸದ ಚಂದ್ರಂಗೆ?
ಸಿಗುವುದಿಲ್ಲ ಅಂವ ಬೇಕು ಬೇಕೆಂದಾಗ
ಹೊಗಳಿ ಚಿನ್ನ-ಮುದ್ದೇ ಅನ್ನಲಾರೆ
ಕೈಗೆಟುಕದಂತೆ ಏರಿದ ಬೆಲೆಗೆ
ಅವರಿವರ ಕದಿಯುವ ಭಯಕ್ಕೆ!
ನೀ ನನ್ನ ಪ್ರಾಣ ಅನ್ನಲಾರೆ
ಅದು ಯಾವಾಗ ಹಾರಿ
ಹೋಗುವುದೋ ಗೊತ್ತಿಲ್ಲೆನಗೆ
ಹೇಳು ಗೆಳತಿ ನನಗೆ ಹೋಲಿಸಲು
ಯಾಕೆ ಬೇಕು ಅವರಿವರ ಹೋಲಿಕೆ
ನಿನ್ನ ಭಾವ, ನಿನ್ನ ನೋವ
ನಿನ್ನ ತನು ನಿನ್ನ ಮನ ಎಲ್ಲದಕೂ ನಿನಗೆ
ನೀನೆ ಸಾಟಿ
ನನ್ನ ಹೃದಯ ಕದ್ದ ಮೋಸವ
ನರಿಯದ ಮಾಟಗಾತಿ ನೀನು
ನಿನ್ನ ಹೃದಯ ಸಿರಿಯಲಿ
ನನ್ನನು ಹಿಡಿದಿಡು ನಾನಿರುವ ತನಕ
ಕೊನೆ ತನಕ ಎಂದರೆ
ಕೃತಕದ ಮಾತಾದೀತು.