ಸಿದ್ದುಲೋಕ

ನಾಯಿಗಳಿವೆ ಎಚ್ಚರಿಕೆ
ಹತ್ತಿರದ ಬಂಧುಗಳ ಮನೆ
ಮುಂದಿನ ಗೇಟಿಗೆ ತಗುಲಿದ
ಬೋರ್ಡ್ 'ಇಲ್ಲಿ ನಾಯಿಗಳಿವೆ ಎಚ್ಚರಿಕೆ'
ಕೆಲ ಕ್ಷಣ ತಡೆಯಿತು ನನ್ನ
ನಿ----ಧಾನ ಹೆದರುತ್ತ...... ತೆಗೆದ
ಗೇಟಿಗೆ ಕಾಣಿಸಲಿಲ್ಲ ನಾಯಿಗಳು
ನನಗೆ ಅಚ್ಚರಿ!
ಸಪ್ಪಳಕೆ ತೆರೆದ ಬಾಗಿಲಿನ ಹಿಂದೆ
ಕರೆದರು ಬಂಧುಗಳು ಅಕ್ಕರದಿ
ಒಳಗೆ ಹೋದೆ ಅವರ ಮಾತುಕತೆ
ತೋರಿದ ಪ್ರೀತಿ ವಿಶ್ವಾಸ ಅನುಭವಿಸಿದಾಗ
ಅನ್ನಿಸಿತು
"ಇಲ್ಲಿ ನಾಯಿಗಳಿವೆ ಎಚ್ಚರಿಕೆ!"
ನಾಯಿಗಳಿವೆ ಎಚ್ಚರಿಕೆ!! ಎಂದು.
*
ಸಿಟ್ಟು
ನುಂಗಿದರೆ
ವಿಷ
ಕಾರಿದರೆ
ಬೆಂಕಿ
*