ನವರಸಗಳ ಅಲೆದಾಟ

ಹೀಗೇಕೆ ಒಂದೊಂದು ಶಕ್ತಿಗೆ ಒಂದೊಂದು ರೂಪ
ಪ್ರೀತಿ ಸುರಿಸುತ್ತೇನೆ, ಸಿಟ್ಟು ಕಾರುತ್ತೇನೆ, ಕೆಂಡವಾಗುತ್ತೇನೆ
ಕರಡಿಯಂತೆ, ಉಡದಂತೆ ತಬ್ಬುತ್ತೇನೆ ಪ್ರೀತಿಯಿಂದ
ಸಂಗಾತಿಯ
ಪ್ರೀತಿ ತಬ್ಬುಗೆ ಕೊಸರಲಾರಳು
ಸಿಟ್ಟಿನ ಬೆಂಕಿಯ ಸಹಿಸಲಾರಳು
ಪ್ರೀತಿಯ ಕಂಗಳ ಪುಳಕ ರೋಮಾಂಚನಕೆ ಹೆದರಿ
ಎದುರಿಸಲಾರಳು
ಒಮ್ಮೊಮ್ಮೆ-
ಸಿಟ್ಟಿನ ಕೆಂಡದ ಕಣ್ಣುಗಳ
ಬೆದರಿ ಸಹಿಸದೇ ತಪ್ಪಿಸಿಕೊಳುವಳು
ಕರಗಿ ನೀರಾಗಿ ರಸಮಯ ಪಿಸುಮಾತಿಗೆ
ಸುಟ್ಟು ಬೂದಿಯಾಗುವಳು
ಅಬ್ಬರಿಸಿ ಬರುವ ಕೆಂಡದಂಥ ಬೈಗುಲಕೆ.
ನಿತ್ಯ ಹೊರಾಟದ ಬದುಕು
ಆಕೆ ನನ್ನ ಎದುರಿಸಲು.
ಬಿಡಲಾರಳು ಹಿಡಿಯಲಾರಳು
ಅತೀ ಆದರೆ ಪ್ರೀತಿಯೂ
ಭಯವೇ, ಸಿಹಿಯೂ ಕಹಿ
ಹವದಲ್ಲ ಅಂದುಕೊಳ್ಳುತ್ತೇನೆ ಕರೆದಾಗ ಬರಲಿಲ್ಲ ಅಂದರೆ
ಮತ್ತೆ,ಮತ್ತೆ, ಮತ್ತೆ ಎಲ್ಲ ಮರೆತು
ಕೆಂಡವಾಗುತ್ತೇನೆ.
ನಿತ್ಯ ಬದುಕಿನ ಪುಸ್ತಕದಲಿ ಬರೆದಿರುವ
ವಿಪರ್ಯಾಸದ ಅಧ್ಯಾಯಗಳೇ
ಈ ಬದುಕಿನ ಮುಖಗಳು.